У мінулую суботу, 25 красавіка, наша пачатковая школа ператварылася ў сапраўдны акіян прыгод! Вучні адправіліся ў займальнае падарожжа пад назвай «Востраў сямейных скарбаў».
Мэтай квэста было не проста знайсці «скарб», а паказаць важную ролю пераемнасці пакаленняў і проста выдатна правесці час разам.
Удзельнікі, падзяліўшыся на каманды-экіпажы, атрымалі сапраўдныя карты і прайшлі праз шэраг выпрабаванняў на тэматычных станцыях:
«Заліў Мудрасці» — дзе дзеці разгадвалі сямейныя загадкі і прыказкі.
«Мыс Творчасці» — тут кожны стварыў свой унікальны герб.
«Рыф Дружбы» — каманды дэманстравалі спрыт і ўменне працаваць разам у вясёлых эстафетах.
«Бухта Успамінаў» — станцыя, прысвечаная гісторыі сваіх каранёў.
Атмасфера свята была напоўнена шчырымі ўсмешкамі, азартам і ўзаемадапамогай.
